Ұстаздар, оқушылар және ата-аналар назарына!
Өздеріңізге белгілі, жыл сайын ҚР Оқу-ағарту министрлігі мектепке дейінгі және орта білім беру ұйымдарында пайдалануға рұқсат берілген оқулықтар тізімін бекітеді.
Республикалық білім мазмұнын сараптау орталығы – аталған оқулықтарды мемлекеттік сараптамадан өткізумен айналысатын бірден-бір ұйым.
Орталықтың ресми сайты – BMSO.EDU.KZ
Ал білім беру ұйымдарына пайдалануға ұсынылған барлық оқулықтың PDF нұсқасы тек ҚР Оқу-ағарту министрлігінің ресми сайтында жарияланған. Яғни қолданыстағы барлық 1-11 сынып оқулықтарын аталған ресми сайттан тегін жүктеп алуға болады!
Алайда кейбір ұстаздар мен оқушылар OKULYK.KZ сайтындағы оқулықтарды оқу процесінде пайдаланғаны белгілі болды.
Құрметті ұстаздар және оқушылар!
OKULYK.KZ – Оқу-ағарту министрлігімен байланысы жоқ, жеке меншік сайт. Сондай-ақ аталған сайтта мемлекеттік сараптамадан өтпеген оқулықтар да кездеседі. Сол себепті мұқият болуға шақырамыз!
Тексерілген, ресми ақпараттар тек Оқу-ағарту министрлігінің және BMSO.EDU.KZ сайтында!
2022 жылы «Бұқаралық ақпарат құралдары туралы» Қазақстан Республикасы Заңының 18-4-бабына сәйкес Қазақстан Республикасы Ақпарат және қоғамдық даму министрлігінің жанынан балаларға қатысты кибербуллинг фактілері бойынша өтініштерді қарау үшін сараптамалық топ құрылғанын хабарлаймыз.
Сараптама тобының құрамына орталық мемлекеттік органдардың, үкіметтік емес ұйымдардың өкілдері кірді.
Сараптама тобының негізгі міндеттері балаға қатысты кибербуллинг туралы өтініштерді қарау, өтініштерде көрсетілген кибербуллинг фактілерін бағалауды жүзеге асыру, сондай-ақ кибербуллинг фактілерінің болуы немесе болмауы туралы шешім шығару болып табылады.
Балаға қатысты кибербуллингтің расталған фактілері бойынша сараптама тобы балаға қатысты кибербуллинг деп танылған ақпаратты жою үшін интернет-ресурстың меншік иесіне және (немесе) заңды өкіліне нұсқаманы дереу жібереді.
Егер сіздің балаңыз кибербуллинг фактілеріне тап болса, сіз «е-өтініш» (https://eotinish.kz/) азаматтарының барлық өтініштерін қабылдау мен өңдеудің бірыңғай платформасы арқылы сараптама тобына жүгінуге құқылысыз.
Естеріңізге сала кетейік, «Бала құқықтары туралы» Қазақстан Республикасы Заңының 1-бабының 4.1-тармақшасына сәйкес баланың кибербуллингі қорлайтын сипаттағы, қудалау және (немесе) қорқыту, оның ішінде қаражатты пайдалана отырып жасалған қандай да бір іс-әрекетті жасауға немесе жасаудан бас тартуға мәжбүрлеуге бағытталған жүйелі (екі және одан да көп) іс-әрекеттер болып табылады бұқаралық ақпарат және (немесе) телекоммуникация желілері.
Балаларымызды бірге қорғайық!
